قررت اشترى عجله

 اولا انا بقالى كتير جدا مكتبتش حاجه عندي هنا مع اني مش متاكد اذا كان فى حد اصلا ببقرأ الكلام دا ولا لأ بس قررت ارجع تاني اكتب

قررت ارغى كالعاده فى كلام ممكن ميبقاش ليه لازمه

بعد تفكير طويل و التدقيق و التحضير قررت اشترى عجله ايوه الى هي بكوتشتين دي و بجرس من قدام عشان تعرف ليه تعالى نرجع لأول القصه

القصه بدأت معايا ان واحد صاحبى قالى فى يوم ما تيجى معايا نركب عجل قلت له فين قال فى ( رايد ) يعنى سباق منظمينه ( بسكليته ) فى الرحاب هنسجل فيه

قلت له بكام التيكيت قالى تيكيت بسكلته فرىى قلت له ليه هما هيسفيدوا ايه طيب قالى انهم مجموعة شباب عاوزين ينشروا ثقافة العجل فى مصر

بعد ما روحت و استمتعت بالرايد

لقيت ان العجله اضافة الى انها شىء ممتع جدا و مفيد ليك خصوصا لو انت شاب فى العشيرينيات و مش عاوز يطلعلك كرش و ما ادراك ما الكرش المهم و بما اني بطلت العب كوره و بقيت العب قليل فعاوز حاجه تساعدني فمفيش احسن من العجل

زائد كمان ان العجل مش بيكلفك حاجه فى المرواح لا بنزين و لا مواصلات و تذكره و لا ملوثه للبيئه دا غير ان لو فرضنا ان ثقافة العجل انتشرت جامد فى مصر دا هيفيد جدا فى تقلقل زحام الشوارع يعنى لو انت ساكن زيي فى مدينة نصر و 70 %من مشاويرك فى مدينة نصر و مصر الجديده و العباسيه و شيراتون و التجمع العجله بالنسبه ليك هتبئه حوار و هتكون كمان اسرع من العربيه

حاجه كمان انا اكتشفتها اكتشفت ان المسافات و الطرق فى مصر مش واسعه اوي او بعيده اووي زي ماانا كنت متخيل لكن الناس بتحس كدا عشان الوقت الى بنستهلكه فى الزحام

والعجله بتحللك المشكله دي جدا و بتروح اسرع من المواصلات و العربيات فى اوقات كثيره جدا خصوصا اوقات الذروه ( الى هي بئيت كل الاوقات مؤخرا )

ولما سألت فى الموضوع بئه عرفت ان العجل بينفع يسافر كمان و ليه انواع نظيفه و حاجات انا مكنتش اعرفها قررت اجيب عجله الاول مش غاليه اوي عشان اجرب الموضوع معايا هيكون مؤثر بدرجه اد ايه و بعد 3 شهور هيشترى عجله ماركه بيجو مثلا او حاجه

بجد نفسى كل الناس تحاول تجرب الفكره حتي لو بتسخدم العجله فى مشوار قريب و معظم المشاوير هتكون قريبه هتوفر زحام رهيب فى الشوارع :)
Think SMART 

#FreeAliGhonim

انتهت احداث محمد محمود ذهب الجميع الى البيت كما تمني العسكر عشان كلهم عندهم انتخابات مجلس الشعب و طلع فوق الكراسى (اعضاء) للبرلمان  فوق الدماء وفوق اعضاء اخرى و لكن متناثره فى شارع محمد محمود و القاتل معروف حر


كنت ماشى مع اصحاب ليا كانت الاخبار عن الاعتصام ( البرجوازي ) اعتصام مجلس الوزراء وقررنا نبص بصه اخيره قبل وداعه و الذهاب الى البيت فأنا مع الاسف طالب لازم ارجع للكليه الى كنت فيها
خدنا القرار و مشينا و بعدين قابلنا شاب استوقفنا جميعا و سألنا راحيين فين كان يبدو شاب هادىء و له حضور جيد و شخصيه لافته تجبرك على احترامها اتكلمنا معاه شويه عن الاعتصام و الاحباط الى كان عندنا وقتها كان بيشاركنا نفس الاحباط حاول يقنعنا نقعد فى الاعتصام لكن احنا غصب عننا كان لازم نمشى لكننا خدنا قرار اننا نرجع شويه كمان و بعدين نروح


دخلنا الاعتصام تاني اتكلمنا فى احداث محمد محمود و حكي لينا قصص عن ابطال عن بنت ( انا عارف اسمها ) خدت خرطوش فى رجلها و لسه مصممه تكمل و تقف فى الصفوف الاولى و عن الشباب السلفي الغريب الى واقف دايما فى اول صف من غير كمامه و الغاز مش بيأثر فيهم و عندهم صحه رهيبه


قعدنا نتكلم فى يأس عن محاولة احياء الاعتصام عن طريق اي فكره مسابقات او اي حاجه تخلى الناس تحس بينا و اننا قاعدين و صممنا نكون فى اعتصام مجلس الوزراء لأن فى دماء سالت عاوزين نجيب حقها ولكن دون جدوي


الشاب ده سايب شغله و سايب اهله ومحل اقامته فى اسكندريه و شغال للثوره و بيضحى بكل شىء لاجل الثوره بس شاب مرتاح جدا ماديا لكنه اختار ينام على الارض ويكون جزء من شباب الثوره الى اسمهم هيكون فى التاريخ من ذهب ان شاء الله


وبعدين عرفني على صديقه على كان حلم حياته ياخد منحه معينه مش بياخدها اي حد وصعبه جدا منحه فى امريكا و يوم ما حقق الحلم دا سمع بس عن احداث محمد محمود الشاب دا قرر ياخد الطياره و يرمى حلمه ورا ظهره لمجرد ان بلده محتاجاه و مع الاسف هو افتكر ان الثوره يومها رجعت تاني لكن الشعب خذل الثوره مره اخرى وخسر على فى الجوله دي حلمه و زاد احباطه


على بتعصبه جدا كلمة لو الثوره فشلت ( انا بطلت اقولها ) لأني واثق ان ربنا عادل و ان شاء الله الثوره هتنجح مفيش ثوره فى التاريخ وصلت للمرحله الى احنا فيها و فشلت


على مش بيصنف نفسه اشتراكي او ليبرالى او كدا على بيصنف نفسه ( كوكتيل ) زي ما قالى ساعتها و بعدين من كثر ما على حسسنى بالمسؤليه كل لما كنت بشوفه بعدها كنت بحس مكتوب على وشه ارجوك اعتصم و ارجوك متسبش الثوره قررت يومها ابات معاهم فى الاعتصام و صحابى روحوا  صحينا تاني يوم كانت الانتخابات قعدنا نتفرج على طوابير الناس وهي كلها راحيه تدي شرعيه للعسكر باحباط


فطرنا مع بعض اتعرفت وقتها على على غنيم احد ابطال الثوره  الى دايما موجود فى كل الفعاليات الثوريه ربنا يحميك يا على و طول ما الثوره ليها ابناء زيك عمرها ما هتفشل ان شاء الله


على قرر يساند الناس فى س28  بعد احداث العباسه و هناك اتقبض عليه و على اكثر من شخص هناك  لمجرد التضامن
الحريه للبطل على غنيم
#FreeAliGhonim

ليه انا هقاطع اى انتخابات تحت حكم العسكر

مساء الخير او صباح الخير على حسب ما عندكوا :)
تعالوا نتفق مبدأئيا اننا لو روحنا ننتخب دا معناه اننا بنعترف بالاتى
1-المجلس العسكرى سلطه شرعيه و دا اغلب الناس مش معترفه بيه
2-لو انت اعترفت بالمجلس دا معناه انك مصدقه و دا معناه ان شهداء (محمد محمود-ماسبيرو-مجلس الوزراء-محمد محمود 2 -بورسعيد) مش مسؤول عنهم المجلس و انه زي ما بيقول طرف ثالث

الا لو انت شايف انك هتضيف جديد فيما عدي ذلك انت كشخص بتخون دم الشهداء من وجهة نظرى و كمان بتخسر نفسك لأنك انسان منافق تقول يسقط حكم العسكر وتروح تنتخب
عاوز اقول حاجه انا روحت انتخب فى البرلمان لأني كنت شايف ان الاخوان على الرغم من انهم على مستوي عالى من الفشل و السوء الا انهم هيقدروا يقفوا ويشيلوا حكم العسكر اما لو معملوش كدا فيلبسوا و دا الى حصل فكنت شايف اني يضيف جديد

لكن في حالة مجلس الشعب عندنا الاتي
1-لجنه العليا للانتخابات الحمد لله زس الزفت من اول المستشار فاروق سلطان الى كان قاضى عسكرى (حد ينفى لو يعرف ) لحد المستشار عبد المعز صاحب فضيحة القضاء
2-انا اصلا مش واثق فى القضاء بتاعنا الى مش مستقل و اصبح مع الاسف اداه فى يد النظام زي ما حصل فى قضية التمويل بغض النظر عن انها اصلا سياسيه لكن حصل اغتصاب للقضاء اصلا
3-الدخليه هي الى هتأمن الصناديق و الداخليه بلطجيه :)
4-الجيش هو الى هيحمى الثوره قصدي الى هيحمي اللجنه و احنا عارفين لما الجيش بيحمى حاجه بيعمل فيها ايه زي الثوره كدا
5-لو كان ثمن شهداء ال 18 يوم الاولى من الثوره هو ان حسنى يمشى فدا مش كفايه لكنه ثمن اتدفع بردو لكن شهداء الى بعد 11 فبراير الى مسوؤل عنهم العسكر لازم يكون ليهم ثمن و لو حتي ان العسكر يهربوا 19 قيادي فى طياره مثلا على الاقل
6-العدل اساس الملك يا جماعه ولكم فى القصاص حياه مش محتاج اشرح
7-مفيش رقابه دوليه حتي منظمات المجتمع المدني عملوا فيها الى ما يتعمل
8-تقريبا مبقاش في اعلام تثق فيه 100% ما عدا اون تي في حتي دي هيشفوا ليها شوفه عشان محدش ينقل
9-المجلس العسكرى هو الى واضع نظام الانتخاب وهو المشرف على العمليه الانتخابيه و المجلس العسكرى ....
10- تعرف لما سألت ناس كتير من الثوريين الى فى الشارع البسطاء زي واحد فاتح كشك مثلا اخوه اتصاب فى الثوره بقوله انت رايح تنتخب قالى اروح اعمل ايه لأ طبعا سرقوها ولاد ال... عيب يبئه هو عندوا وعي وسيتدك فى البلالا
11- ذهابك للانتخاب هو يجعلك تشكك فى مضمون الثوره نفسه ( ينفع اي حد يرشح نفسه حتي علاء و جمال و حسنى ذات نفسه )
12- لو عملت قرد فالمجلس العسكرى مش هيسيب حد يكسب ضد ارادته حتي لو استعمل الاعلام
13-صحيح انا من مؤيدى البرادعي بس لو كان موجود بردو كنت هقاطع وانسحابه دلل على ان تايدوا له كان صحيح و انه راجل محترم
اول مره نفسى يكون رأيي غلط لأن ساعتها هنجيب رئيس كويس زي ابو الفتوح مثلا يحاكم العسكر انا هكون مبسوط ساعتها
بس انا سامع واحد صاحبى بقولوا انت رايح تنتخب عشان تحاكم العسكر قالى اششش اسكت متقولش كدا بصوت عالى عشان ميسمعوش :)


لو روحت انتخبت بعد كل دا فانت مش هتغير حاجه بالعكس هتكون ضربه للثوره لكن كدا كدا الثوره مكمله و هنرجع الشارع انا هعمل كدا مش عشان الموضوع يفرق فى الى هيحصل لكن هيفرق معايا هكسب احترام نفسى قدام نفسى و مبادئى
انا مستيكم فى الشارع لما تيجوا تنزلوا قولوا بس :)

بالنسبه للدستور فى نقطه مهمه الاخوان و اخوانهم من المخبرين سواء الوفد او النور هيشكلوا اللجنه سواء جوا البرلمان او من برا لأن الاعلام مهد لهم الطريق ضد التيار الثورى عامة فاكتسحوا كل انتخابات النقابات و المناصب بس كدا و هيدوا العسكر خروج امن او بمعني اصح استمرار امن
الشارع هو الحل 

How to revolt

مبدأيا البلوج دا انا مش بتاعي  هي افكار كانت في دماغي قلت اكتبها و انقلها عن اصحابها لأن بجد الناس مش فاهمه يعنى ايه ثوره و ان الشعب ( الثوار ) عملوا عمل عظيم جدا :
_ الشعب قدم عدد كبير من الشهداء يقترب من 3000 شهيد من اول يوم 25 يناير 2011

_الشعب محصلش على ما يوازى هذا العدد و تلك التضحيات بل على العكس الشعب مغيب و فاهم غلط و مشتت يعتقد ان اقصى اهداف الثوره هى فتح انتخابات الرئاسه بدرى وان الرئيس قبل الدستور دعوات انا شايفها سخيفه دي ثوره يا ساده محصلش ثوره عشان نطالب القاتل ( المجلس العسكرى )  انه يعملنا انتخابات رئاسه بقانونها ويأمنها ....المجلس العسكرى الي قتل شباب التراس اهلاوى فى العلن وفى مباراه نقلتها جميع وسائل التلفزيون بما فيهم التلفزيون المصرى مش هيتكسف يعنى يقتل ناس واقفه فى طابور بينتخبوا ويعمل فوضى و يقول الطرف الثالث دا شىء انا شايفه طبيعى و منظقى

_الثوره ليها مبادىء لو فشلت فيها يبئه الثوره فشلت ثورة مبادىء ثورة يناير ( عيش حريه عداله اجتماعيه كراميه انسانيه )
يعنى عاوزين اقتصادنا يبئه كويس ودا مش هيحصل الا لما يتخلى الجيش عن نهب اقتصاد مصر الى اصبح بيملك منه 40 % من الاقتصاد بحسب تقديرات صحفيه اوربيه و امريكيه وبالتالى مسأئله وضع خاص للجيش فى دون رقابه او زي ما قال اللواء اسماعيل عتمان زي الدساتير القديمه ياسلام !!!!!!!!!!!! على اساس ان الدساتير القديمه دى مكنش فيها وضع مخل اصلا بالنسبه للاقتصاد الى بيتحكم فيه الجيش دون رقابه ياخى .....

_حريه يعنى انا اقول رأيي واعبر عنه دون انتقاص سواء كان امام وزارة الداخليه او الماليه او الدفاع و اتظاهر واسجل غضبى مش لما اروح اتظاهر عند وزارة الداخليه يضربونى و يقتلونى و يقولوا دا عاوز يقتحمها ولما اقول رأيي فى ماتش الاهلى زي رابطة الالتراس و اقول يسقط حكم العسكر يقتلونى فى بورسعيد على العكس بل من الواجب علي قوات الامن ان تؤمن المتظاهرين مش تؤمن وزارة الداخليه كاوليه اصلا مش من حق حد يقول اتظاهر فين و لا اقول ايه

عداليه اجتماعيه طبعا تطبيق الحد الادنى للاجور وقوانين الاحتكار وثروات اللوائات سواء كان جيش او شرطه دى لازم تتصادر وممتلكاتهم وشركات ونشاطات الشرطه و الداخليه من اول نوادى اتحاد الشرطه و طلائع الجيش لحد بنزينة وطنيه و الدور الى بتبيع تورته و جاتوا

كرامه طبعا الحمد لله الكرامه اتبعزأت مش بس فى الشوارع كمان فى البرلمان وعلنى تلاقى نائب يقول على شخص زي البرادعى ده عميل واصلا الشخص دا اقل ما يقال عنه انه ......اكتبوا انتوا

انا مش عاوز ازيد واعيد فى كلام اتقال قبل كدا بس في بئه حاجات اهم من مبادىء الثوره وهو العدل اساس الملك وكمان لكم فى القصاص حياه

حاجه اخيره انت فاهم يعنى ايه يسقط حكم العسكر سألت واحد صاحبى يعنى ايه قالى يعنى المجلس يسلم السلطه بقوله ازاى قالى يعمل انتخابات رئاسه يا حلاوتك امال احنا ماشينا حسنى مبارك ليه عشان قرفانين منه مثلا لأ يا باشا ده عشان مش واثقين فيه يعمل انتخابات رئاسه التزوير عمره ما كان تزوير صناديق واقل ما يمكن ان يحصل انه يقتل الناس و يقولك طرف ثالث

يسقط حكم العسكر يعنى يسقط المجلس العسكرى و يسقط كل لواء مسك منصب عشان المجامله زي المحافظين و المحليات و هيكل الدوله الى كله لواءات ياراجل دا حتي سمير زاهر كان ضابط جيش لأن ببساطه العسكر لا يفهموا ولا يفقهوا شىء سياسى بل وحراميه
يعنى لما يبئه ريس هيبئه استاد القاهره لواء و المحافظ لواء وفى المجلس المحلى لواء وفي .... كل هيكل الدوله لواء

كان فيه شباب كاتبين حاجات عن How to revolt  او ازاى تثور يعنى الثوره مش حاجه غلط بل على العسكس فعل صحى ودليل ان الفساد وصل لأخره متلومش الناس لم تغضب وتكسر اثناء ثورتهم لأن طبيعى لأن اصلا سمليه الثوره ده معناه انك المثاليه مش معناه انك شخص طبيعى ابدا لأن الطبيعى انك تثور وتبئه غضبان عشان كدا كل ثورات التاريخ هتلاقيهم بيحرقوا اقسام البوليس انا مش بقول ان دا فعل صحيح فى العموم لكن متلومش الناس عليه في حالة غضب و ثوره :)

نقلا عن شخص على تويتر :

أسقاط حكم العسكر أللي بتهتفوا بيه 1 حل المجلس الأعلى للقوات المسلحه كمؤسسه شاذه في بنية الجيوش وتنحية أعضائه عن وظائفهم ‎#How2Revolt‏

2- أعتقال كافة أعضاء المجلس الأعلى للقوات المسلحه، تنحية أعضاء هيئة الأركان ويتولى مساعدوهم وظائفهم ‎#How2Revolt‏

3- تعيين هيئه مدنيه ثوريه كقائم بأعمال وزير الدفاع، وتعيين مفتشين ثوريين مدنيين في كافة الوحدات والتشكيلات العسكريه ‎#How2Revolt‏

4- أنتخاب لجنه عليا من المدنيين والعسكريين الموالين للثوره كلجنة تطهير عليا لمراجعة التفاصيل الماليه للقوات المسلحه ‎#How2Revolt‏

5- حل الوحدات التي شاركت في أعمال عنف ضد الثوره وتسريح أفرادها تسريحا غير مشرف، وأعتقال ظباطها تمهيدا لمحاكمتهم عسكريا ‎#How2Revolt‏

6- نقل ملكية كافة الوحدات الإنتاجيه المدنيه والأراضي غير المخصصه للشئون للأغراض العسكرية من ملكية الجيش لملكية الدوله ‎#How2Revolt‏

7- فصل وزارة الأنتاج الحربي عن وزارة الدفاع، ونقل ملكية وحدات الأنتاج العسكري إليها بشكل كامل ‎#How2Revolt‏

حاجه اخيره اعتقد ان لما تروح تتظاهر ( سملى ) امام وزارة الداخليه يردو هما عليك بالغاز و الخرطوش فلو رديت انا بالشتايم والطوب و المولوتوف اعتقد يعنى دا منتهى السلميه الاليفه من وجهة نظرى انا مش بقول انى بعمل كدا لكن مش بلوم الى يعمل كدا :)
ولو د | محمد البرادعى ذات نفسه بئه رئيس وفشل انه يحقق المبادىء ( عيش حريه عداله و كرامه ) يتخلع

الموضوع مش شخصنه الظلم سواء كان عسكرى او دينى ام مباركى هو ظلم 

25 يناير 2012

توقف  الزمن عندى  من يوم 25 يناير  حتى 28 فى تلك الفتره فى عام 2011 نعم فماذا جنيت انا شخصيا انا مازلت فى 2 ميكانيكا فى كلية هندسه مازلت انسان وحيد لا اصدقاء لى فى الكليه و جميع اصدقائى خارجها حتى اننى لولا وجود امى التى تنبهنى انى بعيد السنه مكنتش خدت بالى انى بعيدها نفس الملل نفس الرتابه نفس المحاضرات نفس الوحده وبخرج مع اصدقائى خارج الجامعه الى هما نفس اصدقائى من زمان


 .....توقف عندى الزمن حتى انى اتذكر ذلك الشاب الذى استشهد اما الكاميرا وها هو شاب اخر يستشهد بنفس الطريقه و نفس الموضوع لا يوجد عداله ولا محاسبه للقاتل و لا انصاف للشهيد لأن شعبنا يدمن ثقافة لوم  الضحيه

يتوقف الزمن ففى نفس هذا الوقت من ذلك العام كنت انتظر امتحاناتى و اتسائل هخلص قبل 25 يناير ولا لأ ثم افتح التلفزيون المصرى و اتفرج على الكذب الذى لم يتغير ابتعد عن الاهرام لأنه اشبه بقرص قد يحولك الى مواطن سلبى و احيانا عدوانى وشرانى ابى بتكلم معى بنفس اللهجه عاوز تنزل المظاهرات انزل بس مش هوصيك اول ما تلاقى فى ضرب اجرى تعالى على هنا على اساس انى جبان يعنى صحابى يموتوا و انا افرح انى عايش جبان وكالعاده لا اوافقه الرأى لكنى لا اؤمن انى سأموت اليوم فأنا لحظاتى فى المواجهه لحظات قليله صحيح انها زادت مؤخرا صحيح انى كنت سأموت كذا مره لكنى لم اكن اشعر قبلها يقولون انك قبلما تموت تشعر قبلها بذلك

نفس الخطاب بل لقد عاد الزمن بى للوراء كثيرا فى رجل رئيس وزراء ذو ال 78 عاما رئيس وزراء مستعمل من قبل يتكلم عن سيناء ياااه نفس الزمن نفس الرتابه

حتى ان نفس ترتيب فى امتحاناتى و بردو مش بنام قبل الامتحان مازال خالد سعيد يموت لكن تغير اسمه الى مينا دانيال و عصام عطا
مازال هناك معتقلين سياسيين ومازال هناك محاكمات عسكريه للمدنيين مازال هناك تعذيب فى السجون و الاقسام بس زاد ان لون الضابط الى بيعذب كاكى ومعاه ظابط داخليه

مازالنا نهتيف الشعب يريد اسقاط النظام ومازالنا نتكلم عن الحريه ل( شخص معتقل )..........
اتذكر انى يوم 25 يناير كان المطلب الوحييد هو الغاء قانون الظوارىء متلغاش لحد دلوقتى ولا حالة الطوارىء
كان هتافنا فى 25 يناير يسقط يسقط حسنى مبارك
الغريب انى هتفت انهردا ف عرض كاذبون يسقط يسقط حسنى مبارك

هل سقط الرئيس حقا
المهم 25 يناير 2012 فاضله كام يوم
تفتكروا هعدى فى الامتحانات السنه دى :) ولا هفضل فى 2 ميكانيكا :)
الشعب يريد اسقاط النظام 

ثوار احرار هنكمل المشوار

فى يوم من الايام عندما قرر مناضل امريكى ان يعطى جميع العبيد الحق فى تقرير مصيرهم فى يوم واحد و التخلص من الرق للابد وصدر القرار بأطلاق سراح جميع العبيد فى ذلك الوقت ولكن تفاجأ جميع الاسياد ان العبيد جميعا قد عادوا اليهم ويتوسلوا الى اسيادهم ان يعودوا عبيد مره اخرى حيث انهم لم يتخيلوا حياتهم و لم يتعلموا كيف يعيشوا احرار

قصه اخرى انه بعدما انقذ سيدنا موسى عليه السلام المصريين من  فرعون و عبر بالمصريين البحر وبعدما رأى المصريين المعجزات تحدث ونبى الله موسى الا انهم بعدما غرق فرعون اتجهوا لصنع عجل ومن ثم عبادته رغم انهم اصبحوا احرار من فرعون الذى كان يستعبدهم و يقول انا ربكم الاعلى و كانوا يسجدون

ان العبوديه هى احساس تراكمى لا يذهب فى يوم او 18 يوم او 10 اشهر انه ثقافه و جزء من الشخصيه

ماذا تريدون منا ومن جيلنا الم تقولوا لنا عودوا من الميدان فلو وجدتم الفساد عاد الميدان موجود مش هيطير الم تقولوا لنا نحن معكم لكن اديلوا فرصه اى كان من فى الحكم اديلوا فرصه سواء كان مبارك او شفيق او عصام شرف او المجلس العسكرى الم نتعاهد على اننا لن نقبل فساد الم نتعاهد على اننا لن نترك دماء الشهداء و تعهادنا على ان لكم فى القصاص حياة يا اولى الالباب وعاهدنا الشهداء اننا سنعيش نحلم بما ارادوا لقد ارادوا دوله بلا فساد ولكننا خذلناهم فى 10 شهر وسمحنا للفساد وتعاهدنا اننا لن نسمح بسقوط شهداء وسقط الشهداء فى قلب الميدان الم نتعاهد اننا لن نسمح للشرطه ان تعود كما كانت و سمحنا ولن نسمح ان تذهب كرامتنا هدر وذهبت وسحلت المرأه و اعتقل المواطن المصرى و عذب ماذا تريدون من جيلنا اننا جيل من الاحرار لا نسكت صوتنا اعلى من صوت العبوديه وضد الفساد ارواحنا وقود الحق ودمائنا نهر للعبور الى وطن الحريه

ماذا فعل مبارك مختلف عن المجلس العسكرى بل على العكس مبارك لم يقحم الجيش فى مواجهة الشعب
انتم جيل شربت ارواحكم العبوديه الا من رحم ربى وصمت كثيرا حتى صار الصمت شيمته واصبح العار شىء طبيعى حتى انفصل كثير منكم عن الواقع فعندما نتكلم معه عن سحل الفتاه فيقول ايه الوداها هناك ....انت انسان مفصول عن الواقع كيف لا وانت لا تدرك ان الثوره خرجت من الانترنت و ان التصوير الان يتم فى لحظه و تنتشر الصور فى ثوانى و الخبر فى ثانيه

انت جيل رضى بالجهل و عدم حتى التفكير فكان يرى فى الافلام عن حرب اكتوبر الرجل الشهير الذى يتكلم عن ان الحرب قامت و ان الجيش المصرى عبر القنال لكن المخرج يفوته شىء هام ان الحرب كانت فى رمضان و اننا كنا صائمين مش قاعدين على القهوه بنشرب شيشه ومع ذلك تقتنع وتعمل نفسك ميت ربما بمزاجك او ربما لأنك بلا بصيره

نحن جيل الفعل وليس رد  الفعل كفاكم ما فعلتم بالبلد فى 60 سنه من الصمت على الفساد و هو ينخر فى عظم مصرنا العظيمه اصبحت اجيالكم تتوالى ورأسها تحت و كرامتها تحت و اصبح هذا شىء مسلم لدى الكثير .....
انتم جيل متلقى للمعلومات دون تحليل انتم لستم فعل او رد فعل انتم مفعول به
مع الاسف انتم كنتم جزء من احلاء الاخرين مثل الحزب الوطنى و العسكر و الفاسدين
انتم بعتم دماء ابطالكم فى ثورة 1919 ودمائهم فى حرب 73 و 67 حينما تم تطهير الجيش , و جاء الابطال و عندما اتم الابطال دورهم تخليتم عنهم مثل سعد الدين الشاذلى دون ان يعترض احدكم
متى تعترضون
ارجوكم
مش هتاخدوا زمنكم و زمن غيركم و ان كنت رضيتم بالذل امرا واقع فأنكم و الذل اصبحتم من الماضى فلعيش كل منكم فى ماضيه و يترك لنا حاضرنا واعطونا نحن الفرصه عوضا عن الحكام ولو لمره واحده ..... نحن ضد الاستقرار فى القاع
ثوار احرار هنكمل المشوار

 

ثورة الاقدام و البطوله " سوريا "

ثورة البطوله و الاقدام

كنت اريد ان اهنئكم بعيد الاضحى ...عيد الاضحيه و الذبح و لكنى كلما احاول ان اهنىء احد اشعر بالحرج و الخجل من نفسى فبينما سيذبح المسلميين فى جميع دول العالم الخرفان و الماعز يتم دبح السوريين العرب المسلميين منهم و الغير مسلميين لذلك اردت ان اتذكر احزان الغير فى وقت افراحى بل اتذكربطولات الغير
فأنا حينما اذكر الثوره السوريه اتذكر البطوله و الاقدام ودعونى احكى لكم فأنا متابع جيد لتلك الثوره ربما اكثر من كثير من السوريين انفسهم
بدأ الامر حينما انتهت الثوره المصريه بنجاح "منقوص " كنت اشعر فى ذلك الوقت بتوجه قومى اجبارى فى نفسى و كيف شعرت بأنتمائى لوطنى المصرى و لوطننا العربى لتونس العظيمه التى حينما تتابع اخبارها و انتخاباتها تعرف لماذا بدأت الثوره فى تونس ومن ثم تفأجأت بتلك الصفحه على فيس بوك التى تدعو السوريين الى الثوره و كانت تقول قريبا الثوره السوريه ....

بطولات سوريه
1-اطفال تحمل اقلام الرجال
تأثر اطفال مدينة سوريه فى الجنوب تسمى " درعا " بالثوره المصريه فأطلقوا العنان لرغبتهم فى التعبير عن الرأى فكتبوا على جدران المدينه ( جاك الدور يا دكتور ) المقصود هنا الدكتور بشار الاسد
اتت الدعوه الفيس بوك التظاهر يوم 15مارس أذار و فعلا بدأ الامر بمظاهره من 40 شخصا فقط فى قلب دمشق و كانت المظاهره فى دمشق فقط كنت ارى ذلك شىء ضعيف لكن السوريين اكدوا ان تلك المظاهره انجاز فى ظل الظروف المختلفه عن بلادنا فمظاهره ضد الرئيس شىء مستحيل ..وكانوا على حق

نعود الى درعا حيث تم اعتقال الاطفال وتم تعذيبهم واقتلاع اظافرهم انتفضت درعا بالكامل ليس من اجل اى شىء الا العزه و الكرامه فكيف يحدث ذلك لأطفالهم  , كان الهتاف العظيم " الموت و لا المذله " هتاف يجسد العزه والكرامه
قتل الامن واعتقل ودخل الجيش و الفرقه الرابعه و لم تفلح اى محاولات فقد دخل الجيش الى درعا منذ بداية الثوره الى الان اكثر من 7 مرات و لم يفلح فى قمع الثوره حتى انى اصبح على يقين انه اذا لم تجد متظاهرين فى درعا فأعلم انه لم يعد هناك من يعيش هناك
ملحوظه اول شهيد فى الثوره السوريه مازلت اتذكر اسمه الى الان و هو " ايمن الجوابرى " و هو مسيحى الديانه

2-طلائع الثوره
فى يوم 18 انطلقت الطلائع الشبابيه الثوره فى دمشق الجامع الاموى اكير الجوامع و فى ريف دمشق و فى حمص و فى درعا و ادلب و القامشلى و اللاذقيه انطلق الشباب الناشط سياسيا و اعطوا الزخم للثوره بدأ النظام السورى فى اعتقال القيادات الشبابيه و تعذيبهم ثم انتقل الى مرحله سجنهم و عزلهم و ثم تصفيتهم عن طريق القتل كل ذلك لم يجعل الشعب السورى يتوقف حتى بدأ يعذبهم حتى الموت وليعتبرهم عبره لكن ذلك كان بعد فوات الاوان فالشعب اصبح هو السيد لا النشطاء و ربما اعتقل النظام و هجر الاف من النشطاء فظهر عشرات الالاف منهم ولم اعد اشك فى نجاح الثوره السوريه لكنى لا اعرف فقط متى تنجح
فنجاح الثوره بالنسبه لى اصبح كمن يقف على جانب من شط البحر يدرك ان الجانب الاخر موجود لكنه لا يراه

3-حمزه الخطيب طفل الى الجنه و التاريخ
لجأ النظام السورى لأبشع الطرق لردع الشعب وارهابه
بدأت القصه حينما سمع حمزه الخطيب الطفل ذو ال11 سنه ان اطفال فى درعا يتم تعذيبهم فقرر ان يدخر مصروفه اليومى فى حصاله لمده 3 ايام ثم اخذه معه و ذهب فى المظاهره من قريه صغيره الى وسط المدينه لفك الحصار عن المدينه ليقدم المال ببرائته الى اطفال درعا ولكن  النظام السورى اعتقل الطفل و عذبه لقد تعرض حمزه الخطيب للضرب و اقتلاع الاظافر وطفى السجائر فى جسده و اخيرا واقعه بشعه و هى قطع العضو التناسلى له , ياللبشاعه وقد تم تسليمه لأهله ليكون عيره لكن النخوه و الكرامه اصبحت اقوى من الموت لدى ابطال سوريا لقد اقسموا على الانتقام , الى الجنه يا حمزه الخطيب

4-ابراهيم القاشوش بلبل الثوره
من النشطاء الذين ظهروا فى الحراك البطل السورى ابراهيم قاشوش هو مغنى سورى هاوى بدأ ينشد اغانى معاديه للثوره السوريه انه رائع صوته و شخصيته روعته و بساطته كانت ساحة  العاصى التى تمتلىء بنصف مليون متظاهر تنشد ورائه الغناء واغانيه منتشره على يو تيوب اراد النظام ردع شعب حماه فأعتقل ابراهيم قاشوش بلبل الثوره وقام بقتله و اقتلاع حنجرته لقد نجح النظام السورى فى قتل ابراهيم قاشوش و اقتلاع حنجرته و رحل ابراهيم قاشوش و بقى صوته فى جميع انحاء سوريا بل و العالم لقد اصبح الشباب فى دمشق خوفا من التظاهر يسجلون صوته و يتركون ميكروفون فى اى منطقه فى احياء دمشق فيجن الامن و يفزع رحمك الله يا ابراهيم و اتمنى ان تكون فى اعلى منازل الجنه

5-حمص
يكفى ان اقول كلمة حمص دون وصف فهى كلمة لا تحتاج للتوصيف لكى اتكلم على بطولتها اصبح نظام الاسد يقصف المدينه يوميا و يتحداه اهلها يوميا بالتظاهر اصبح الامر صراع الارادات و لقد جعلت حمص بشار الاسد يركع امامها اذا كنت من متابعى تظاهرات المدينه تشعر و كأن الشهداء لا يموتون فى حمص فالعدد لا يقل وكأنما يقتلون ولكن جسدهم و صوتهم باقى فى المظاهرات فى حمص يقف النساء امام الرصاص و لا يركضون فى حمص رأيت فيديو لأمراءه تخطب فى الرجال شعرت بقشعريره فى جسدى والرجال يزأرون كألاسود هتافات لا تتوقف مليئه بالعزه والكرامه منها
" ما نهاب الموت لو جابوا الامن كله ..دم الشهيد رأس الاسد محله "
هناك مقطع اسمه يا وطنا يا غالى مقطع يشعرك بمدى الالم الذى تعانيه الثوره و يحكى قصتها
لو لم اكن مصريا لوددت ان اكون حمصيا
انها مدينه رائعه قررت ان ازورها حينما تنجح الثوره السوريه بأذن الله

البطولات لا تنتهى لكن تبقى ان اقول شىء
فى يوم من الايام قدر عدد المتظاهرين فى سوريا ب 5 مليون متظاهر فى الشارع وهذه ثانى اعلى نسبه بعد مصر
فى سوريا يعتقد البعض ان الامر طائفى او انه امر دينى هذا غير صحيح فالشباب الذين يقودون المظاهرات كثير منهم ليس مسلم بل و كثير منهم لم يدخل جامع فى عمره كله الى من اجل التظاهر
الفخر لا ينتهى بتلك البلد سوريا و الامل لا يتوقف فى ارض الامل